أحلى من الورد

يا برييد .. صارو ٣ سنين

-ييي دخيل عينك، بس لا يه شو ٣ سنين، انا اكبر من هيك بكتير!

عفوا ما فهمت !؟ انا بقصد صرلنا سوا ٣ سنين انا وخطيبتي، هي بالاردن و انا ببلغاريا

-اي اي طبعا هيك قصدك لكن شو ..

المهم .. بدي ابعتلا دبدوب كبير كلللو ورد .. وسماعات وطبعا الفراولة الي بتحبها، بما انه دايت وفي محظورات عن الشوكولاه ..

-انا مو عاملة دايت اذا بهمك الموضوع ..

(مافي داعي تعرفو باقي الحديث مراعاة لمشاعري)

مناخد دبدوب ورد كبيييير، يقال انه اكبر من الصبية، مع الهدية الي اختارها العريس .. و ع باب البيت:

هي الهدية من خطيبك ببلغاريا ليقلك : يا احلى وردة بحياتي ..

-شو هاد!! هاد كلو ورد طبيعي عنجد؟ ياخ كيف عاملينه؟؟

انسة منكن نزل الدبدوب بس لانه انكسر ضهري بعدين بعلمك كيف انعمل 😅

-اسفة بس .. انه .. يعني كيف .. لك ..

وبدأ سيناريو من التأتأ والعيون المرأرأ 😬